«Barselona» hujumchisi Ferran Torres Ispaniya terma jamoasining oldinda turgan Jahon chempionatidagi istiqbollari haqida nima deb o‘ylashini aytib o‘tdi. Amaldagi Yevropa chempionlari AQSH, Kanada va Meksikada o‘tadigan mundialning asosiy favoritlaridan biri sifatida e’tirof etilmoqda.
«Bosim borligini his qilyapmiz, buni inkor etmaymiz. Biz turnirga butun mamlakat bizdan umid qilayotganini anglagan holda boryapmiz. Lekin bizga bu bosim yoqadi, biz odamlarni xursand qilishni istaymiz. Ispaniyaga sovrinni olib kelish uchun qo‘limizdan kelgan barcha ishni qilamiz», — deya Torresning so‘zlarini keltiradi «Barca Universal».
«Qizil furiya»ning guruh bosqichidagi raqiblari — Kabo-Verde, Urugvay va Saudiya Arabistoni terma jamoalaridir.
