«Everton» futbolchisi Iliman Ndiaye «Arsenal»ning qiziqishlari doirasiga tushdi. «Irislar»ning 26 yoshli futbolchi bilan yangi shartnoma bo‘yicha olib borgan muzokaralari hozircha muvaffaqiyatsiz yakunlandi va London grandi vaziyatni diqqat bilan kuzatmoqda. Bu haqda TEAMtalk xabar bermoqda.

Senegallik futbolchining kelajagi hozircha noaniqligicha qolmoqda. «Everton» o‘z yulduzi uchun taxminan 69 million funt sterling (deyarli 80 million yevro) so‘rashi kutilmoqda.

Iliman Ndiaye o‘tgan mavsumda Liverpul jamoasi safida 34 ta o‘yinda maydonga tushib, oltita gol va uchta golli uzatmaga mualliflik qildi.

Futbolchining amaldagi mehnat shartnomasi 2029 yilgacha mo‘ljallangan, Transfermarkt portalida esa uning narxi 50 million yevro deb ko‘rsatilgan.