«Real» prezidenti Florentino Peres agar prezidentlik saylovlarida g‘alaba qozonsa, klub «Inter» himoyachisi Denzel Dyumfrisni o‘z safiga qo‘shib olishini ma’lum qildi.

«Real»da standartlar juda yuqori va aynan shu narsa bizni buyuk qiladi. Biz barcha reytinglarda: nufuz, sovrinlar, daromadlar va qiymat bo‘yicha peshqadamlik qilmoqdamiz. Yozda biz Dyumfris bilan shartnoma imzolaymiz. U juda yaxshi o‘ng qanot himoyachisi», — deya Peresning so‘zlarini keltiradi Diario AS nashri.

«Real» prezidentligi uchun saylovlar shu yakshanba, 7 iyun kuni bo‘lib o‘tadi.

2025/26 yilgi mavsumda Dyumfris barcha turnirlarda 28 ta o‘yinda maydonga tushib, 5 ta gol urdi va 2 ta golli uzatmani amalga oshirdi. 30 yoshli niderlandiyalik futbolchi «Inter» tarkibida umumiy hisobda 207 ta o‘yin o‘tkazib, 27 ta gol va 28 ta golli uzatma muallifiga aylangan.