Payshanba kuni «Liverpul» Andoni Iraolaning bosh murabbiy lavozimiga tayinlanganini rasman e’lon qildi. Ispaniyalik mutaxassis yakunlangan mavsumdan so‘ng iste’foga chiqarilgan Arne Slotning o‘rnini egalladi.
«Klub muxlislariga murojaat? Men ulardan ko‘p narsa talab qila olmayman. Ularning qanday ekanligini juda yaxshi bilaman. Faqat shuni ayta olamanki, men ulardan biriga aylanishni istayman. Bu huquqni mehnatim bilan qozonishni va hammamiz birgalikda ushbu jarayondan zavq olishimizni xohlayman», — deya Iraolaning so‘zlarini Anfield Sector nashri keltirmoqda.
43 yoshli mutaxassis bunga qadar uch yil davomida «Bornmut»ni boshqarib, klub bilan salmoqli muvaffaqiyatlarga erishgan edi. Yakunlangan mavsumda «olchalar» Premyer-liga turnir jadvalida «Liverpul»dan bor-yo‘g‘i uch ochko ortda qolgan holda, oltinchi o‘rinni egallashdi.
