Пайшанба куни «Ливерпуль» Андони Ираоланинг бош мураббий лавозимига тайинланганини расман эълон қилди. Испаниялик мутахассис якунланган мавсумдан сўнг истеъфога чиқарилган Арне Слотнинг ўрнини эгаллади.
«Клуб мухлисларига мурожаат? Мен улардан кўп нарса талаб қила олмайман. Уларнинг қандай эканлигини жуда яхши биламан. Фақат шуни айта оламанки, мен улардан бирига айланишни истайман. Бу ҳуқуқни меҳнатим билан қозонишни ва ҳаммамиз биргаликда ушбу жараёндан завқ олишимизни хоҳлайман», — дея Ираоланинг сўзларини Anfield Sector нашри келтирмоқда.
43 ёшли мутахассис бунга қадар уч йил давомида «Борнмут»ни бошқариб, клуб билан салмоқли муваффақиятларга эришган эди. Якунланган мавсумда «олчалар» Премьер-лига турнир жадвалида «Ливерпуль»дан бор-йўғи уч очко ортда қолган ҳолда, олтинчи ўринни эгаллашди.
