«Atalanta» klubi markaziy himoyachisi Onest Axanorga Londonning «Arsenal» klubi va boshqa ko‘plab grand jamoalar qiziqish bildirmoqda.

«To‘pchilar» 18 yoshli futbolchiga da’vogarlar qatorini to‘ldirishdi. Shuningdek, ushbu o‘yinchini «Bavariya», Madridning «Real», «Chelsi» va «Manchester Siti» klublari ham kuzatib bormoqda, deb xabar bermoqda ingliz OAVlari.

«Atalanta» o‘z tarbiyalanuvchisi bo‘lgan ushbu chiqib kelayotgan yulduz uchun 60 million yevro talab qilmoqda va bundan kam bo‘lgan takliflarni ko‘rib chiqmoqchi emas. Transfermarkt saytida Onest Axanorning transfer bahosi 30 million yevro etib belgilangan.

Yakunlangan mavsumda yosh futbolchi Bergamo jamoasi safida barcha turnirlarda 35 ta o‘yinda maydonga tushib, bitta gol urishga muvaffaq bo‘ldi. Kelib chiqishi nigeriyalik bo‘lgan italiyalik himoyachining amaldagi shartnomasi 2028 yilgacha mo‘ljallangan.