«Аталанта» клуби марказий ҳимоячиси Онест Аханорга Лондоннинг «Арсенал» клуби ва бошқа кўплаб гранд жамоалар қизиқиш билдирмоқда.
«Тўпчилар» 18 ёшли футболчига даъвогарлар қаторини тўлдиришди. Шунингдек, ушбу ўйинчини «Бавария», Мадриднинг «Реал», «Челси» ва «Манчестер Сити» клублари ҳам кузатиб бормоқда, деб хабар бермоқда инглиз ОАВлари.
«Аталанта» ўз тарбияланувчиси бўлган ушбу чиқиб келаётган юлдуз учун 60 миллион евро талаб қилмоқда ва бундан кам бўлган таклифларни кўриб чиқмоқчи эмас. Тransfermarkt сайтида Онест Аханорнинг трансфер баҳоси 30 миллион евро этиб белгиланган.
Якунланган мавсумда ёш футболчи Бергамо жамоаси сафида барча турнирларда 35 та ўйинда майдонга тушиб, битта гол уришга муваффақ бўлди. Келиб чиқиши нигериялик бўлган италиялик ҳимоячининг амалдаги шартномаси 2028 йилгача мўлжалланган.
