Angliya milliy terma jamoasi sobiq futbolchisi, hozirda esa futbol eksperti sifatida faoliyat yuritayotgan Gari Lineker JCH-2026 o‘yinlari chipta narxlari haddan tashqari qimmatligi borasida fikr bildirdi.
«Chipta narxlari... Ular oddiy muxlislar uchun hamyonbop bo‘ladimi? Mundiallarning eng katta quvonchi — stadionlarda Braziliya, Argentina va boshqa mamlakatlardan kelgan minglab ashaddiy ishqibozlarni ko‘rishdir. Bunday narxlar bilan biz yana o‘sha muhitni ko‘ra olamizmi? Bu meni qattiq xavotirga solmoqda», — deya sobiq futbolchining so‘zlarini keltiradi iNews.
Eslatib o‘tamiz, Jahon chempionati Shimoliy Amerikaning uchta davlati: AQSH, Kanada va Meksikada bo‘lib o‘tadi. Ushbu nufuzli turnir 11 iyun kuni start oladi va 19 iyulga qadar davom etadi. Musobaqaning amaldagi g‘olibi Argentina terma jamoasi hisoblanadi.
