«Nyukasl» Fransiya yoshlar terma jamoasi darvozaboni Even Jauenning transferi borasida «Reyms» klubi bilan kelishuvga erishdi. Canal+ telekanali bergan ma’lumotlarga ko‘ra, shartnoma qiymati 28,5 million yevroni tashkil etadi. 20 yoshli posbon ingliz klubi bilan 3 yillik shartnoma imzolaydi.

Bundan oldin Jauenga «Chelsi», shuningdek, uni Tibo Kurtuaning potensial vorisi sifatida ko‘rgan Madridning «Real» klubi ham qiziqish bildirgan edi. 2024/25 yilgi mavsumda Jauen ijara asosida «Dyunkerk»da to‘p tepdi va u yerda Liga 2 ning eng asosiy kashfiyotlaridan biriga aylandi. Fransiya futboli elitasini tark etgan «Reyms»ga qaytgach, Jauen jamoaning asosiy golkiperiga aylandi. Yakunlangan mavsumda u 34 ta o‘yinda maydonga tushib, o‘z darvozasidan 35 ta to‘p o‘tkazib yubordi va 15 ta uchrashuvda darvozasi daxlsizligini saqlab qoldi.