«Manchester Siti» yarim himoyachisi Rodri, katta ehtimol bilan, Madridning «Real» klubiga o‘tmaydi.

Insayder Matteo Morettoning xabar berishicha, ingliz klubi «Oltin to‘p» sohibi bilan amaldagi shartnomani uzaytirish ustida ish olib bormoqda. «Shaharliklar» rahbariyati ispaniyalik futbolchiga yangi shartnoma taklif qilgan, o‘yinchining o‘zi esa o‘ylab ko‘rish uchun vaqt olgan.

Shu bilan birga, Moretto «Real» prezidenti Florentino Peres Rodrini o‘zining transfer bozoridagi ustuvor maqsadi sifatida ko‘rmayotganini qayd etdi. Xabar qilinishicha, klublar o‘rtasida futbolchi borasida aloqalar bo‘lgan, biroq ayni damda bu transferning amalga oshish ehtimoli juda past baholanmoqda.

Eslatib o‘tamiz, Rodri 2019 yildan buyon «Manchester Siti» sharafini himoya qilib kelmoqda.