Londonning «Arsenal» klubi futbolchisi Gabriel Martinelli «Bavariya»ning qiziqishlar doirasiga tushib qoldi. Myunxen klubi braziliyalik o‘yinchining qobiliyatini yuqori baholamoqda va uning atrofidagi vaziyatni kuzatib bormoqda, biroq bu transferning amalga oshish ehtimoli past hisoblanadi, deb xabar bermoqda Arsenal Radar nemis OAVlariga tayanib.

«Bavariya» rahbariyati «kanonirlar»ning 24 yoshli futbolchi bo‘yicha qo‘yadigan moliyaviy talablarini bajarishga qaror qilishi so‘roq ostida. «Arsenal» esa Martinelli bilan xayrlashishni unchalik istamayapti, ammo ma’lum bir shartlar bajarilsa — ayniqsa, hujum chizig‘iga yangi futbolchilar sotib olingan taqdirda — uni sotish imkoniyatini ko‘rib chiqishi mumkin.

Braziliya terma jamoasi vingerining bozor qiymati Transfermarkt portali tomonidan 45 million yevroga baholanmoqda.