«Manchester Yunayted» qanot himoyachisi Diogu Dalot klubdagi ishlarning hozirgi holati haqida o‘z fikrlari bilan o‘rtoqlashdi. Portugaliyalik futbolchi 2018 yildan buyon «qizil iblislar» sharafini himoya qilib kelmoqda. Uning so‘zlariga ko‘ra, so‘nggi vaqtlarda jamoa ichidagi vaziyat avvalgiga qaraganda ancha yaxshilangan.

«Men «MYU» safida deyarli 250 ta o‘yin o‘tkazdim. Eng yomon davrlarda juda og‘ir bo‘lgandi: hamma klubni yer bilan bitta qilar, bu yerda eng yomon xodimlar, eng yomon futbolchilar yig‘ilgan, atrofda faqat tartibsizlik va umidsizlik hukmron, deb gapirardi. Albatta, bunday gaplarni tinmay eshitish odamga alam qiladi. Biroq men hozir hamma narsa avvalgidan ko‘ra yaxshiroq ekanini bilaman. Parda ortidagi vaziyat qanday ekanini o‘z ko‘zim bilan ko‘rib turibman. Yakunlangan mavsumda biz o‘sishga erishdik. «Manchester Yunayted» yana zafar quchishni boshlashiga 100 foiz ishonaman», — dedi Dalot Players' Tribune Football bilan suhbatda.

Eslatib o‘tamiz, ortda qolgan mavsumda Maykl Karrik shogirdlari Premyer-liga turnir jadvalida uchinchi o‘rinni egallashdi.