«Yuventus» qanot himoyachisi Andrea Kambyaso faoliyatini «Barselona»da davom ettirishni istamoqda. Bu haqdagi ma’lumot bilan taniqli insayder Nikolo Skira bo‘lishdi.

Manbaning bergan ma’lumotiga ko‘ra, Kambyasoni «Barselona» sharafini himoya qilish imkoniyati juda ham o‘ziga jalb etmoqda. Hozirda kataloniyaliklar himoya chizig‘ini kuchaytirish ustida ish olib borishmoqda va Kambyaso jamoaning nomzodlar ro‘yxatidan joy olgan.

Qayd etilishicha, «Yuventus» 26 yoshli italiyalik futbolchining sotuvidan kamida 30 million yevro ishlab olmoqchi. Yakunlangan mavsumda Kambyaso barcha turnirlarda jamoasi safida 47 ta o‘yinda maydonga tushib, o‘z hisobiga 3 ta gol va 5 ta golli uzatmani yozdirib qo‘ygan edi.

Avvalroq, Kambyaso yozgi transfer oynasida «Yuventus»ni tark etishga tayyor ekanligi haqida xabarlar tarqalgan edi.