«Ювентус» қанот ҳимоячиси Андреа Камбьясо фаолиятини «Барселона»да давом эттиришни истамоқда. Бу ҳақдаги маълумот билан таниқли инсайдер Николо Скира бўлишди.

Манбанинг берган маълумотига кўра, Камбьясони «Барселона» шарафини ҳимоя қилиш имконияти жуда ҳам ўзига жалб этмоқда. Ҳозирда каталонияликлар ҳимоя чизиғини кучайтириш устида иш олиб боришмоқда ва Камбьясо жамоанинг номзодлар рўйхатидан жой олган.

Қайд этилишича, «Ювентус» 26 ёшли италиялик футболчининг сотувидан камида 30 миллион евро ишлаб олмоқчи. Якунланган мавсумда Камбьясо барча турнирларда жамоаси сафида 47 та ўйинда майдонга тушиб, ўз ҳисобига 3 та гол ва 5 та голли узатмани ёздириб қўйган эди.

Аввалроқ, Камбьясо ёзги трансфер ойнасида «Ювентус»ни тарк этишга тайёр эканлиги ҳақида хабарлар тарқалган эди.