Madridning «Real» klubi hujumchisi Endrik Braziliya terma jamoasining Misrga qarshi o‘rtoqlik uchrashuvida eng yaxshi futbolchi deb topildi.

19 yoshli futbolchi tanaffusdan so‘ng zaxiradan maydonga tushdi va 52-daqiqada gol urib, tabloda yakuniy hisobni o‘rnatdi — 2:1. Final hushtagi chalinganidan keyin yosh forvard uchrashuvning eng yaxshi o‘yinchisi deb e’tirof etildi.

Endrik 2024 yilning 9 iyunidan buyon ilk bor Braziliya terma jamoasi safida gol urishni uddaladi. Umumiy hisobda uning «pentakampeonlar» (besh karra jahon chempionlari) safidagi gollari soni 17 ta uchrashuvda 4 taga yetdi. Iqtidorli braziliyalik futbolchi yakunlangan mavsumning ikkinchi yarmini Fransiyaning «Lion» klubida ijarada o‘tkazdi va u yerda o‘zini ko‘rsata olgani evaziga terma jamoaning jahon chempionati uchun qaydnomasidan joy oldi.