«Yuventus» klubi «Aston Villa» darvozaboni Emiliano Martinesni o‘z safiga qo‘shib olish ustida ishlashda davom etmoqda. Argentinalik posbon shu yozda klubini o‘zgartirish niyatida va «keksa sinyora» unga asosiy da’vogarlardan biri bo‘lib turibdi.

Jurnalist Nikolo Skiraning ma’lumotlariga ko‘ra, yaqin orada «byankoneri» vakillari 33 yoshli darvozabonning agenti bilan yangi muzokaralar bosqichini o‘tkazishadi. Bosh murabbiy Luchano Spalletti Martinesni o‘z jamoasida ko‘rishni istamoqda, biroq jahon chempionining yuqori maoshi bu transferga jiddiy to‘siq bo‘lib qolmoqda.

Transfermarkt portali Emiliano Martinesning transfer qiymatini 12 million yevroga baholagan. Futbolchining «Aston Villa» bilan amaldagi shartnomasi 2029 yilgacha mo‘ljallangan.