O‘zbekiston Milliy terma jamoasi bosh murabbiyi Fabio Kannavaro Jahon chempionatiga tayyorlanish jarayonlari haqida fikr bildirdi.

"Tayyorgarlik jarayoni rejamiz asosida davom etmoqda. To‘g‘ri, oson bo‘layotgani yo‘q. Buning bir nechta sabablari bor. Masalan, legionerlarimizdan Eron chempionatida o‘ynaydigan futbolchilarimiz uch-to‘rt oy davomida rasmiy uchrashuvlarda maydonga tushishmadi. Shuningdek, ayrimlar jarohatdan tiklanish jarayonini o‘tkazdi. Hozir biz mana shu masalalarni bosqichma-bosqich hal qilish ustida ishlayapmiz. Shunga qaramay, jamoaning ishidan mamnunman. Yig‘inning ilk kunidan boshlab futbolchilar bor kuchini berishga harakat qilishyapti. Qiyinchiliklarga qaramasdan, ular o‘z ustida ishlash va rivojlanishga intilyapti", - dedi italiyalik murabbiy O‘FA rasmiy sahifasiga bergan intervyusida.