Ўзбекистон Миллий терма жамоаси бош мураббийи Фабио Каннаваро Жаҳон чемпионатига тайёрланиш жараёнлари ҳақида фикр билдирди.

"Тайёргарлик жараёни режамиз асосида давом этмоқда. Тўғри, осон бўлаётгани йўқ. Бунинг бир нечта сабаблари бор. Масалан, легионерларимиздан Эрон чемпионатида ўйнайдиган футболчиларимиз уч-тўрт ой давомида расмий учрашувларда майдонга тушишмади. Шунингдек, айримлар жароҳатдан тикланиш жараёнини ўтказди. Ҳозир биз мана шу масалаларни босқичма-босқич ҳал қилиш устида ишлаяпмиз. Шунга қарамай, жамоанинг ишидан мамнунман. Йиғиннинг илк кунидан бошлаб футболчилар бор кучини беришга ҳаракат қилишяпти. Қийинчиликларга қарамасдан, улар ўз устида ишлаш ва ривожланишга интиляпти", - деди италиялик мураббий ЎФА расмий саҳифасига берган интервьюсида.