Londonning «Arsenal» klubi Rossiya Premyer-ligasida Sankt-Peterburgning «Zenit» jamoasi sharafini himoya qilayotgan braziliyalik vinger Luis Enrikega e’tibor qaratdi. Bu haqda insayder Joao van Boysen xabar bermoqda.

Jurnalistning ma’lumotlariga ko‘ra, «kanonirlar» vakillari Enrikening atrofidagi insonlar (agentlari) bilan dastlabki muzokaralarni o‘tkazib bo‘lgan. APL chempioni bo‘lajak JCH-2026 musobaqasida braziliyalik futbolchining o‘yinini diqqat bilan kuzatib boradi.

Luisning bozor qiymati 24 million yevroga baholanmoqda. Uning klub bilan tuzgan mehnat shartnomasi 2028 yilgacha mo‘ljallangan. Yakunlangan mavsumda vinger «Zenit» tarkibida 34 ta uchrashuvda maydonga tushdi. Enrike o‘z hisobiga 6 ta gol va 4 ta golli uzatmani yozdirib qo‘yishga muvaffaq bo‘ldi.