Лондоннинг «Арсенал» клуби Россия Премьер-лигасида Санкт-Петербургнинг «Зенит» жамоаси шарафини ҳимоя қилаётган бразилиялик вингер Луис Энрикега эътибор қаратди. Бу ҳақда инсайдер Жоао ван Бойсен хабар бермоқда.
Журналистнинг маълумотларига кўра, «канонирлар» вакиллари Энрикенинг атрофидаги инсонлар (агентлари) билан дастлабки музокараларни ўтказиб бўлган. АПЛ чемпиони бўлажак ЖЧ-2026 мусобақасида бразилиялик футболчининг ўйинини диққат билан кузатиб боради.
Луиснинг бозор қиймати 24 миллион еврога баҳоланмоқда. Унинг клуб билан тузган меҳнат шартномаси 2028 йилгача мўлжалланган. Якунланган мавсумда вингер «Зенит» таркибида 34 та учрашувда майдонга тушди. Энрике ўз ҳисобига 6 та гол ва 4 та голли узатмани ёздириб қўйишга муваффақ бўлди.
