Argentina terma jamoasi hujumchisi Lautaro Martinesning hisoblashicha, argentinaliklar 2026 yilgi Jahon chempionatida g‘alaba qozonish uchun asosiy uchta favorit qatoriga kiradi. Turnir 11 iyundan 19 iyulga qadar AQSH, Kanada va Meksika maydonlarida bo‘lib o‘tadi. Argentina terma jamoasi amaldagi jahon chempioni hisoblanadi.
«Biz Jahon chempionatida g‘alaba qozonish uchun asosiy uchta da’vogar qatoridamiz», — deya Martinesning so‘zlarini keltirmoqda The Touchline X ijtimoiy tarmog‘idagi sahifasida.
JCH-2026 guruh bosqichi 11 iyundan 27 iyungacha davom etadi. Pley-off bosqichiga har bir guruhdan ikkitadan eng yaxshi jamoa, shuningdek, uchinchi o‘rinni egallagan eng yaxshi 8 ta jamoa yo‘l oladi. Turnirda jami 104 ta uchrashuv o‘tkaziladi — bu Jahon chempionatlari tarixidagi mutlaq rekorddir.
