«Tottenxem» markaziy himoyachisi Luka Vushkovich yozgi transfer oynasida jamoani tark etishi mumkin.

Football Insider nashrining xabar berishicha, «shporlar» 19 yoshli xorvatiyalik futbolchini sotishga tayyor, chunki jamoa bosh murabbiyi Roberto De Dzerbi mudofaa chizig‘ida tajribaliroq o‘yinchilarni ko‘rishni istamoqda. Vushkovichning xizmatlariga «Barselona», «Liverpul» va «Bavariya» klublari qiziqish bildirmoqda va ular vaziyatni diqqat bilan kuzatib borishyapti.

Qayd etilishicha, «Tottenxem» himoyachini 60 million yevrodan ko‘proqqa baholamoqda. Vushkovich 2025/26 yilgi mavsumni «Gamburg» klubida ijarada o‘tkazdi. Uning hisobida 30 ta o‘yin, oltita gol va bitta golli uzatma mavjud.