«Тоттенхэм» марказий ҳимоячиси Лука Вушкович ёзги трансфер ойнасида жамоани тарк этиши мумкин.

Football Insider нашрининг хабар беришича, «шпорлар» 19 ёшли хорватиялик футболчини сотишга тайёр, чунки жамоа бош мураббийи Роберто Де Дзерби мудофаа чизиғида тажрибалироқ ўйинчиларни кўришни истамоқда. Вушковичнинг хизматларига «Барселона», «Ливерпуль» ва «Бавария» клублари қизиқиш билдирмоқда ва улар вазиятни диққат билан кузатиб боришяпти.

Қайд этилишича, «Тоттенхэм» ҳимоячини 60 миллион евродан кўпроққа баҳоламоқда. Вушкович 2025/26 йилги мавсумни «Гамбург» клубида ижарада ўтказди. Унинг ҳисобида 30 та ўйин, олтита гол ва битта голли узатма мавжуд.