Hujumchi Entoni Gordon yaqindagina «Barselona» klubiga o‘tgani haqida yana bir bor fikr bildirdi.
«Bu biroz telbavor ikki hafta bo‘ldi, lekin bular men va oilam uchun hayotimdagi eng baxtli ikki hafta bo‘ldi, deb ayta olaman. Bu haqiqatan ham ajoyib edi, chunki men juda yoshligimdan yaqinlarimga mana shu darajaga chiqishimni aytardim. Ular meni tabriklashdi va shunga o‘xshash quvonchli ishlar bo‘ldi. Umuman olganda, men shunchaki «Barselona»da o‘ynashning o‘zi bilan cheklanib qolmoqchi emasman. Men barcha sovrinlarni qo‘lga kiritishni istayman», — dedi Gordon talkSPORT nashriga bergan intervyusida.
Eslatib o‘tamiz, Entoni Gordon «Barselona» bilan 2031 yilning o‘rtalariga qadar mo‘ljallangan shartnoma imzoladi. Bungacha futbolchi Angliyaning «Everton», «Preston» va «Nyukasl» klublarida to‘p surgan.
