«Betis» hujumchisi Antoni 2022 yilda «Manchester Yunayted» bilan shartnoma imzolashdan oldin «Liverpul»ga o‘tishi mumkin bo‘lganini ma’lum qildi.

«Men «Manchester Yunayted»ga o‘tgan paytimda stolimda «Liverpul»dan, Kloppdan taklif bor edi. U ham juda yaxshi taklif edi. Saloh jamoadan ketish bo‘yicha muzokaralar olib borayotgandi, ammo yakunda qoldi. Keyin esa murabbiy [ten Xag] menga qo‘ng‘iroq qildi. «Manchester Yunayted» degan nomning vazni juda katta», — deya Antonining so‘zlarini keltiradi Manchester United Forever nashri.

Eslatib o‘tamiz, Antoni 2022 yilda «Ayaks»dan «Manchester Yunayted»ga 95 million yevro evaziga o‘tgan edi. Braziliyalik futbolchi «qizil iblislar» safida barcha musobaqalarda jami 96 ta o‘yin o‘tkazib, 12 ta gol urdi va 5 ta golli uzatmani amalga oshirdi.