«Nottingem Forest» klubi «Roma» himoyachisi Yan Siolkovski borasidagi muzokaralarni faollashtirdi. Kelishuv asta-sekin yakuniy bosqichga yaqinlashmoqda.
Sport Witness nashrining xabar berishicha, asosiy masalalar yaqin vaqt ichida hal qilinishi mumkin. Avvalroq ingliz klubi futbolchi bo‘yicha birinchi taklifini yuborgani, biroq bu Rim tomonini qoniqtirmagani haqida xabar berilgan edi. Shunga qaramay, muzokaralar uzilib qolmadi va klublar futbolchining narxi borasidagi farqni muhokama qilishga qaytdilar.
Himoyachi allaqachon yevrokuboklarda maydonga tushish tajribasiga ega va Polsha terma jamoasi a’zosi hisoblanadi, bu esa uning transfer qiymatini yanada oshiradi. Qayd etilishicha, «Nottingem Forest» 20 million yevroga yaqin mablag‘ to‘lashga tayyor va bu summa Italiya klubini to‘liq qoniqtirishi mumkin.
