«Ноттингем Форест» клуби «Рома» ҳимоячиси Ян Циолковски борасидаги музокараларни фаоллаштирди. Келишув аста-секин якуний босқичга яқинлашмоқда.

Sport Witness нашрининг хабар беришича, асосий масалалар яқин вақт ичида ҳал қилиниши мумкин. Аввалроқ инглиз клуби футболчи бўйича биринчи таклифини юборгани, бироқ бу Рим томонини қониқтирмагани ҳақида хабар берилган эди. Шунга қарамай, музокаралар узилиб қолмади ва клублар футболчининг нархи борасидаги фарқни муҳокама қилишга қайтдилар.

Ҳимоячи аллақачон еврокубокларда майдонга тушиш тажрибасига эга ва Польша терма жамоаси аъзоси ҳисобланади, бу эса унинг трансфер қийматини янада оширади. Қайд этилишича, «Ноттингем Форест» 20 миллион еврога яқин маблағ тўлашга тайёр ва бу сумма Италия клубини тўлиқ қониқтириши мумкин.