«Brayton» markaziy himoyachisi Yan-Paul van Xekke yozgi transfer oynasida klubini o‘zgartiradi. Niderlandiyalik futbolchi «Tottenxem» bilan kelishuvga erishdi, deb xabar bermoqda «Voetbal International».

26 yoshli futbolchiga «Liverpul», «Chelsi» va «Nyukasl» klublari ham qiziqish bildirayotgan edi, biroq markaziy himoyachi yakuniy qarorini «shporlar» lageriga o‘tish foydasiga qabul qilgan va shu sababli boshqa variantlarni ko‘rib chiqmayapti.

«Tottenxem»da van Xekke «Brayton»dagi birgalikdagi faoliyati orqali o‘ziga juda yaxshi tanish bo‘lgan murabbiy Roberto de Dzerbi bilan qayta birlashadi. «Chaykalar» yulduzining bahosi «Transfermarkt» talqiniga ko‘ra 45 million yevroni tashkil etadi.