«Брайтон» марказий ҳимоячиси Ян-Паул ван Хекке ёзги трансфер ойнасида клубини ўзгартиради. Нидерландиялик футболчи «Тоттенхэм» билан келишувга эришди, деб хабар бермоқда «Voetbal International».

26 ёшли футболчига «Ливерпуль», «Челси» ва «Ньюкасл» клублари ҳам қизиқиш билдираётган эди, бироқ марказий ҳимоячи якуний қарорини «шпорлар» лагерига ўтиш фойдасига қабул қилган ва шу сабабли бошқа вариантларни кўриб чиқмаяпти.

«Тоттенхэм»да ван Хекке «Брайтон»даги биргаликдаги фаолияти орқали ўзига жуда яхши таниш бўлган мураббий Роберто де Дзерби билан қайта бирлашади. «Чайкалар» юлдузининг баҳоси «Transfermarkt» талқинига кўра 45 миллион еврони ташкил этади.