Enrike Rikelme yakshanba kuni bo‘lib o‘tgan Madridning «Real» klubi prezidentligi uchun saylovlarda Florentino Peresga imkoniyatni boy berdi. Endilikda 79 yoshli ispaniyalik mutaxassis 2030 yilga qadar klub rahbari sifatida qoladi.

Ovozlar hisoblab chiqilganidan so‘ng, Rikelme o‘z fikrlarini bildirib o‘tdi.

«Peresni saylovdagi g‘alabasi bilan tabriklayman. Ammo bu hali tugagani yo‘q», — deya 37 yoshli tadbirkorning so‘zlarini keltirmoqda «Madrid Universal» nashri.

Endilikda Joze Mourinyu jamoaning yangi bosh murabbiyiga aylanadi. Enrike Rikelme avvalroq bergan bayonotlarida mashhur portugaliyalik mutaxassisni «Real»ning yangi loyihasi uchun mos nomzod deb hisoblamasligini ta’kidlagan edi. Ma’lumot uchun, Florentino Peres uzoq 2009 yildan buyon klub prezidenti lavozimini egallab kelmoqda.