O‘ng qanot himoyachisi Daniel Karvaxal Madridning «Real» klubi bilan xayrlashganidan so‘ng o‘ziga yangi jamoa izlamoqda. 34 yoshli futbolchi yaqindagina deyarli butun faoliyatini o‘tkazgan «qirollik» klubini tark etgan edi.

«Estadio Deportivo» nashri bergan ma’lumotlarga ko‘ra, ispaniyalik himoyachini taklif etish imkoniyatini «Komo» klubi ko‘rib chiqmoqda. Sesk Fabregas boshchilik qilayotgan Italiya jamoasi A Seriyaning ortda qolgan mavsumi yakunlariga ko‘ra Chempionlar ligasi yo‘llanmasini qo‘lga kiritdi.

Daniel Karvaxal «Real» tarkibida olti bor Chempionlar ligasida g‘olib chiqqan va to‘rt karra Ispaniya chempioniga aylangan. Ortda qolgan mavsumda «qaymoqranglilar»ning sobiq sardori 23 ta o‘yinda maydonga tushib, o‘z hisobiga bitta golli uzatma yozdirib qo‘ygan.