Ўнг қанот ҳимоячиси Даниэль Карвахаль Мадриднинг «Реал» клуби билан хайрлашганидан сўнг ўзига янги жамоа изламоқда. 34 ёшли футболчи яқиндагина деярли бутун фаолиятини ўтказган «қироллик» клубини тарк этган эди.
«Estadio Deportivo» нашри берган маълумотларга кўра, испаниялик ҳимоячини таклиф этиш имкониятини «Комо» клуби кўриб чиқмоқда. Сеск Фабрегас бошчилик қилаётган Италия жамоаси А Сериянинг ортда қолган мавсуми якунларига кўра Чемпионлар лигаси йўлланмасини қўлга киритди.
Даниэль Карвахаль «Реал» таркибида олти бор Чемпионлар лигасида ғолиб чиққан ва тўрт карра Испания чемпионига айланган. Ортда қолган мавсумда «қаймоқранглилар»нинг собиқ сардори 23 та ўйинда майдонга тушиб, ўз ҳисобига битта голли узатма ёздириб қўйган.
