Jahon chempionati oldidan o‘tkazilgan o‘rtoqlik uchrashuvida Ispaniya milliy terma jamoasi Peru ustidan 3:1 hisobida g‘alaba qozondi. Bahs Puebla shahridagi «Kuautemok» stadionida bo‘lib o‘tdi.
Ispaniya hisobni uchrashuvning 2-daqiqasidayoq ochdi. Hujumchi Mikel Oyarsabal jamoasini oldinga olib chiqdi. 32-daqiqada Pedri hisobdagi ustunlikni ikki baravarga oshirdi.
Ikkinchi bo‘lim boshlanganidan sakkiz daqiqa o‘tib, peruliklar darvozaboni Pedro Galyesening avtogoli «Qizil furiya»ning ustunligini yanada mustahkamladi.
Peru terma jamoasi faqat 66-daqiqada javob golini urdi. Unga yarim himoyachi Xayro Veles mualliflik qildi.
Ma’lumot uchun, Peru terma jamoasi JCH–2026 yo‘llanmasini qo‘lga kirita olmadi. Jamoa Janubiy Amerika saralash bosqichida to‘qqizinchi o‘rinni egallab, mundialdan chetda qoldi.
Ispaniya esa jahon chempionatida H guruhida ishtirok etadi. Uning raqiblari Kabo-Verde, Saudiya Arabistoni va Urugvay terma jamoalari bo‘ladi.
O‘rtoqlik uchrashuvi
Peru — Ispaniya 1:3
Gollar: Oyarsabal, 2 (0:1), Pedri, 32 (0:2), Galyese, 53 (avtogol, 0:3) — Veles, 66 (1:3).













