Jahon chempionati start olguniga qadar Avstriya terma jamoasi turnir tarixidagi mutlaq rekordni yangilab ulgurdi. Jamoa darvozaboni Florian Vigele musobaqa tarixidagi eng baland bo‘yli futbolchiga aylandi. Uning bo‘yi 205 santimetrni tashkil etadi.
Vigele boshlanayotgan turnirning eng past bo‘yli futbolchisi — Panama terma jamoasi a’zosi Sezar Yanisdan (bo‘yi 160 sm) deyarli yarim metrga balanddir. Plzenning «Viktoriya» klubi darvozaboni bu boradagi avvalgi rekordchi, bo‘yi 203 santimetr bo‘lgan niderlandiyalik posbon Andris Noppertni ortda qoldirishga muvaffaq bo‘ldi.
Eslatib o‘tamiz, Avstriya terma jamoasi JCH-2026 guruh bosqichida Argentina, Jazoir va Iordaniya terma jamoalariga qarshi bahs olib boradi.
