Braziliya terma jamoasi vingeri Rafinya Dias bo‘lajak Jahon chempionatida Vinisius Juniordan nimalar kutayotgani haqida gapirib berdi.
«Barselona» va Madridning «Real» klublari yulduzlari mundialda «pentakampeonlar»ning hujum chizig‘ida birgalikda harakat qilishadi.
«Vinisius o‘yinlar taqdirini hal qilishga qodir. U Braziliyaga oltinchi Jahon kubogini olib kelishi mumkin», — deya Rafinyaning so‘zlarini keltiradi The Touchline.
Braziliyaning Jahon chempionatidagi hozircha oxirgi g‘alabasi 2002 yilga to‘g‘ri keladi. Yaqindagina «selesao» murabbiyi Karlo Anchelotti bo‘lajak turnirda o‘z jamoasining zafariga ishonishini ma’lum qilgan edi.
Braziliyaliklar guruh bosqichida Marokash, Shotlandiya va Gaiti terma jamoalariga qarshi bahs olib borishadi.
