«Chelsi» va Ispaniya terma jamoasi chap qanot himoyachisi Mark Kukurelya bo‘lajak Jahon chempionatidan nimalar kutayotgani bilan o‘rtoqlashdi.

Amaldagi Yevropa chempionlari mundialda Kabo-Verde, Urugvay va Saudiya Arabistoni bilan bir guruhdan joy olgan.

«Bu mening birinchi Jahon chempionatim, turnir boshlanishini intiqlik bilan kutyapman va undan zavq olmoqchiman. Umid qilamanki, biz o‘zimizning eng yaxshi futbolimizni ko‘rsata olamiz — agar shunday bo‘lsa, nima uchun hal qiluvchi bosqichlargacha yetib bormasligimiz kerak? Maqsad sari qadamma-qadam harakat qilish lozim. Ko‘ramiz, bundan nima chiqar ekan», — deya 27 yoshli futbolchining so‘zlarini keltiradi «Chelsi» matbuot xizmati.

Guruh bosqichining ilk turida «qizil furiya» Kabo-Verde terma jamoasi bilan to‘qnash keladi — bahs 15 iyun kuni bo‘lib o‘tadi.