«Lids» klubining uelslik posboni Karl Darlou shu yozda erkin agent sifatida jamoasini o‘zgartirishi mumkin. Uning «tovuslar» bilan amaldagi mehnat shartnomasi shu yilning iyun oyi oxirida yakuniga yetadi.

The Athletic jurnalistlarining bergan ma’lumotiga ko‘ra, 35 yoshli golkiperni o‘z safiga qo‘shib olishga «Manchester Yunayted» klubi jiddiy qiziqish bildirmoqda. «Qizil iblislar» tajribali uelslik futbolchini jamoada ikkinchi raqamli darvozabon rolida ko‘rishmoqda. Ayni damda mankunianliklarning asosiy posboni («birinchi raqami») Senne Lammens hisoblanadi.

Ma’lumot uchun, Angliya Premyer-ligasining yakunlangan mavsumida Karl Darlou «Lids» tarkibida 22 ta uchrashuvda maydonga tushdi. Tajribali golkiper ushbu bahslarda o‘z darvozasidan 27 ta to‘p olib chiqqan bo‘lsa, 5 ta o‘yinda raqiblariga gol urish imkoniyatini bermadi.