Fransiya terma jamoasi bosh murabbiyi Didye Desham Madridning “Real” klubi tomonidan unga bo‘lgan qiziqish haqida gapirdi.
– Siz “Real” nomzodlari ro‘yxatida edingiz, bu qanchalik haqiqat edi?
– Meni nomzodlar ro‘yxatiga, dastlabki saralashlarga kiritishardi. O‘g‘lim bu haqda menga hazil qilib gapirib berganini eslayman, chunki bu holat men bilan ikki yil davomida sodir bo‘ldi. Men 2007 yilda “Yuventus”dan ketganman va deyarli barcha nomzodlar ro‘yxatida bor edim. Ammo o‘g‘lim muammo mening barcha ro‘yxatlardan joy olishimda ekanligini aytdi.
Bundan keyin, bu haqiqatmi yoki yo‘q, tafsilotlarga berilmayman, chunki buning ahamiyati yo‘q. Menda takliflar bo‘lganmi? Ha, albatta", – dedi Desham.
