Франция терма жамоаси бош мураббийи Дидье Дешам Мадриднинг “Реал” клуби томонидан унга бўлган қизиқиш ҳақида гапирди.

– Сиз “Реал” номзодлари рўйхатида эдингиз, бу қанчалик ҳақиқат эди?

– Мени номзодлар рўйхатига, дастлабки саралашларга киритишарди. Ўғлим бу ҳақда менга ҳазил қилиб гапириб берганини эслайман, чунки бу ҳолат мен билан икки йил давомида содир бўлди. Мен 2007 йилда “Ювентус”дан кетганман ва деярли барча номзодлар рўйхатида бор эдим. Аммо ўғлим муаммо менинг барча рўйхатлардан жой олишимда эканлигини айтди.

Бундан кейин, бу ҳақиқатми ёки йўқ, тафсилотларга берилмайман, чунки бунинг аҳамияти йўқ. Менда таклифлар бўлганми? Ҳа, албатта", – деди Дешам.