“Chelsi” himoyachisi Aksel Disasi shu yozda klubini o‘zgartiradi, deb xabar beradi BBC nashri. 28 yoshli futbolchiga APLning ikkita va A Seriyaning bitta klubi da’vogarlik qilmoqda.

Manbaning ta’kidlashicha, “Chelsi” rahbariyati Disasi bilan muzokaralar o‘tkazgan. Muloqot davomida tomonlar himoyachining sotib yuborilishi borasida kelishuvga erishishgan.

Disasi 2023 yilda “Monako”dan 38,5 million funt sterling evaziga ko‘chib o‘tganidan so‘ng, uning “Chelsi” bilan ya yana uch yillik shartnomasi mavjud. 28 yoshli fransiyalik futbolchi o‘tgan mavsumda olti oylik ijara asosida “Vest Xem” safida 14 ta o‘yinda maydonga tushgan edi. “Vest Xem” markaziy himoyachini o‘zida saqlab qolmoqchi edi, Disasining o‘zi ham qolishga tayyor edi, biroq London klubining APLdan tushib ketgani ushbu transferga chek qo‘ydi.