“Aston Villa”ning hujumkor yarim himoyachisi Morgan Rojers hali o‘z kelajagi borasida bir qarorga kelmadi. 23 yoshli futbolchiga bir qator grandlar qiziqish bildirayotgani anchadan beri aytib kelinadi, biroq ayni paytda ingliz futbolchisi faqat ikkita variantni jiddiy ko‘rib chiqmoqda. Gap Londonning “Arsenal” klubi va “Bavariya” haqida ketmoqda, deb xabar beradi jurnalist Stiv Key.
Futbolchining vakillari allaqachon har ikkala klub bilan muzokaralar o‘tkazishgan. “Aston Villa” Morgan Rojers uchun taxminan 100 million funt sterling (bu deyarli 116 million yevroga teng) talab qilmoqda. Xavbekning “villaliklar” bilan amaldagi shartnomasi 2031 yilgacha mo‘ljallangan, uning transfer bozoridagi narxi esa, Transfermarkt talqiniga ko‘ra, 90 million yevroni tashkil etadi.
