Vinger Jeydon Sancho tez orada rasman erkin agentga aylanadi. «Manchester Yunayted» 30 iyun kuni shartnomasi yakuniga yetadigan 26 yoshli futbolchining jamoadan ketishini allaqachon e’lon qilgan.
Fanatik nashri ma’lumotlariga tayanib Transfer News Live xabar berishicha, Turkiyaning «Beshiktosh» klubi ingliz futbolchisini o‘z safiga qo‘shib olishga qiziqish bildirmoqda, biroq futbolchining o‘zi faoliyatini Premyer-liga klublaridan birida davom ettirishni afzal ko‘rmoqda.
Bundan oldinroq matbuotda Sanchoga «Kristal Pelas» tomonidan qiziqish bo‘layotgani haqida xabarlar paydo bo‘lgan edi.
Yakunlangan mavsumda Jeydon ijara asosida «Aston Villa» tarkibida to‘p surdi va barcha musobaqalarda jami 39 ta o‘yinda maydonga tushib, bitta gol va uchta golli uzatmani o‘z hisobiga yozib qo‘ydi.
