Вингер Жейдон Санчо тез орада расман эркин агентга айланади. «Манчестер Юнайтед» 30 июнь куни шартномаси якунига етадиган 26 ёшли футболчининг жамоадан кетишини аллақачон эълон қилган.
Fanatik нашри маълумотларига таяниб Transfer News Live хабар беришича, Туркиянинг «Бешиктош» клуби инглиз футболчисини ўз сафига қўшиб олишга қизиқиш билдирмоқда, бироқ футболчининг ўзи фаолиятини Премьер-лига клубларидан бирида давом эттиришни афзал кўрмоқда.
Бундан олдинроқ матбуотда Санчога «Кристал Пэлас» томонидан қизиқиш бўлаётгани ҳақида хабарлар пайдо бўлган эди.
Якунланган мавсумда Жейдон ижара асосида «Астон Вилла» таркибида тўп сурди ва барча мусобақаларда жами 39 та ўйинда майдонга тушиб, битта гол ва учта голли узатмани ўз ҳисобига ёзиб қўйди.
