Fransiya milliy terma jamoasi va «PSJ» klubi yarim himoyachisi Uorren Zair-Emeri Jahon chempionati – 2026 uchun qaydnomaga kiritilgani haqida o‘z fikrlarini bildirdi.
«Agar futbolchi bir vaqtning o‘zida bir nechta pozisiyada o‘ynay olsa, bu murabbiy uchun katta ustunlikdir. Shaxsan men uchun qaysi pozisiyada maydonga tushishning ahamiyati yo‘q. Istalgan chiziqda futbol o‘ynashdan zavq olaman. Albatta, ko‘proq maydonga tushishni istardim, biroq jamoada raqobat juda kuchli. Hozircha tajriba to‘playapman. Bu yerda bo‘lishning o‘zi — haqiqiy baxt», — deya 20 yoshli yarim himoyachining so‘zlarini keltiradi Le Parisien nashri.
Mundialdagi start uchrashuvida «uchranglilar» Senegal terma jamoasiga qarshi bahs olib borishadi. O‘yin 16 iyun kuni bo‘lib o‘tadi.
