Франция миллий терма жамоаси ва «ПСЖ» клуби ярим ҳимоячиси Уоррен Заир-Эмери Жаҳон чемпионати – 2026 учун қайдномага киритилгани ҳақида ўз фикрларини билдирди.
«Агар футболчи бир вақтнинг ўзида бир нечта позицияда ўйнай олса, бу мураббий учун катта устунликдир. Шахсан мен учун қайси позицияда майдонга тушишнинг аҳамияти йўқ. Исталган чизиқда футбол ўйнашдан завқ оламан. Албатта, кўпроқ майдонга тушишни истардим, бироқ жамоада рақобат жуда кучли. Ҳозирча тажриба тўплаяпман. Бу ерда бўлишнинг ўзи — ҳақиқий бахт», — дея 20 ёшли ярим ҳимоячининг сўзларини келтиради Le Parisien нашри.
Мундиалдаги старт учрашувида «учранглилар» Сенегал терма жамоасига қарши баҳс олиб боришади. Ўйин 16 июнь куни бўлиб ўтади.
