Germaniya terma jamoasi yarim himoyachisi Yozua Kimmix 2026 yilgi jahon chempionatidagi Kyurasao terma jamoasiga qarshi ilk o‘yin oldidan o‘z fikrlari bilan o‘rtoqlashdi.

«Biz Germaniyani yanada faxrlanishga majbur qilmoqchimiz. Bu bizning asosiy maqsadimiz. Biz bu yerda butun mamlakatimiz nomidan ishtirok etayotganimizni bilamiz. Germaniya safida yirik turnirda qatnashish — bu mutlaqo o‘zgacha tuyg‘u. Bizda Germaniyada hayajon va quvonch uyg‘otish imkoniyati bor. Sardor sifatida mening rolim biroz o‘zgacharoq ahamiyat kasb etdi. Jamoamizda ijobiy energiyani his qilyapman. Agar bor kuchimizni ishga solib, qalb, qat’iyat va ishtiyoq bilan o‘ynasak, bu energiyani butun mamlakatga yetkaza olamiz va 2006 yilgi jahon chempionatidagi kabi ruhiy ko‘tarilishni hosil qilishimiz mumkin. O‘sha mundialni bolalikda o‘z ko‘zim bilan ko‘rganman. Albatta, maydonda qiyinchiliklarga duch keladigan damlar ham bo‘ladi, ammo ortimizda butun mamlakat turganini bilish bizga katta kuch beradi», — deya Kimmixning so‘zlarini keltiradi Bild nashri.

Eslatib o‘tamiz, Germaniya terma jamoasi oxirgi marta 2014 yilda jahon chempioni bo‘lgan edi.