Shotlandiya terma jamoasi xavbeki Jon Makginn Jahon chempionati – 2026 guruh bosqichining birinchi turidan o‘rin olgan Gaiti terma jamoasiga qarshi o‘yindagi minimal g‘alabadan so‘ng o‘z fikrlarini bildirdi. Britaniyaliklar 1:0 hisobida g‘alaba qozonishdi, Makginn esa yagona gol muallifiga aylandi.
«Ha, bu faoliyatimdagi eng chiroyli gol emas. Ammo buning nima ahamiyati bor? Biz g‘alaba qozonish uchun ko‘p mehnat qildik. Gaiti yomon jamoa emas. O‘ylaymanki, biz bundan ham yaxshiroq o‘ynashimiz mumkin edi. Lekin bu uchrashuvda eng muhimi natija edi», - deya futbolchining so‘zlarini keltiradi BBC Sport.
Jahon chempionati guruh bosqichining ikkinchi turi doirasida Shotlandiya terma jamoasi Marokash milliy jamoasi bilan kuch sinashadi. Uchrashuv 20 iyun kuni bo‘lib o‘tadi.
