«Manchester Yunayted» Ruben Amorim va uning shtabi klubni tark etganidan keyin ularga to‘lanadigan to‘lovlarni qisqartirishi mumkin.
Utdreport nashrining The Telegraph jurnalisti Jeyms Dakerga tayanib xabar berishicha, portugaliyalik mutaxassis «Milan» bosh murabbiyi etib tayinlanishga yaqin turibdi. Shu sababli «MYU» to‘lashi kerak bo‘lgan kompensasiya summasi sezilarli darajada kamayishi mumkin.
Fevral oyida «Yunayted» o‘zining moliyaviy hisobotida Amorim va uning xodimlari ketishi bilan bog‘liq tovon to‘lovlari uchun klubga 15,9 million funt sterlinggacha mablag‘ kerak bo‘lishi mumkinligini ma’lum qilgandi.
Endilikda bu summa sezilarli darajada kamayishi kutilmoqda, chunki Amorim tez fursatda yangi ish topishi mumkin.













