«Манчестер Юнайтед» Рубен Аморим ва унинг штаби клубни тарк этганидан кейин уларга тўланадиган тўловларни қисқартириши мумкин.
Utdreport нашрининг The Telegraph журналисти Жеймс Дакерга таяниб хабар беришича, португалиялик мутахассис «Милан» бош мураббийи этиб тайинланишга яқин турибди. Шу сабабли «МЮ» тўлаши керак бўлган компенсация суммаси сезиларли даражада камайиши мумкин.
Февраль ойида «Юнайтед» ўзининг молиявий ҳисоботида Аморим ва унинг ходимлари кетиши билан боғлиқ товон тўловлари учун клубга 15,9 миллион фунт стерлинггача маблағ керак бўлиши мумкинлигини маълум қилганди.
Эндиликда бу сумма сезиларли даражада камайиши кутилмоқда, чунки Аморим тез фурсатда янги иш топиши мумкин.













