Angliyaning «Manchester Yunayted» klubi o‘z sardori Brunu Fernandeshni jamoada saqlab qolmoqchi. Bu haqda SportsBoom xabar bermoqda.
Manbaning ta’kidlashicha, «qizil iblislar» 31 yoshli portugaliyalik futbolchiga yiliga taxminan 22,6 million yevro maosh bilan yangi mehnat shartnomasi taklif qilishga tayyor. Qayd etilishicha, Premyer-liganing bir nechta klublari Fernandeshning shartnomasi bilan bog‘liq vaziyatni diqqat bilan kuzatib borishmoqda.
Ortda qolgan mavsumda yarim himoyachi barcha turnirlarda 37 ta uchrashuvda maydonga tushib, 9 ta gol urdi va 22 ta golli uzatma muallifiga aylandi. Fernandeshning «Manchester Yunayted» bilan amaldagi shartnomasi keyingi yozda nihoyasiga yetadi.
